Mimpi, Jadi Urang Gerot
KORANHARIANBANYUASIN.ID - "Cae urang buntu kanti, pikiran tak tenang, kapan mbuat status di media sosial nganar - kemane - mane, segale gawe urang tak benar, nak mencari lokak tak katek," uji Wak Uban.
Tesenge Wak Barab nengar rutuk pagi Wak Uban karne ari ujan ricek. "Lah iye nian kanti, kalu buntu tu salah gale ko. Nak bekebon katek lahan, nak minjam urang tak percaye, jadi pagi pagi ngelamun pake sewet busuk bengangak, mambu liur basi," uji Wak Barab.
Langsung ditimpal Wak Uban sambil dudok di pelantar, clangak -clinguk nyelek urang liwat pake motor, pake mobil, ngelamun,. "Kapanlah pacak meli barang bagus mak itu, pacak wara-wiri pegi ke mane bae," timpal Wak Uban.
BACA JUGA:Legenda Asal Muasal Nama Telang di Muara Telang
BACA JUGA:Mau Pindah Instansi Sebelum 10 Tahun Masa Kerja, ASN Dianggap Mengundurkan Diri
Rupenye Wak Barab lah pacak mbace pikiran wak Uban. "Jangan banyak ngelamun nak jadi urang kaye kanti, amon begawe tak endak, tidok kesiangan, nak ngarapke dapat duet turun dari langit, payo befikir kanti," uji Wak Barab.
Laju merengut Wak Uban. "Bukan mak itu kanti, masalahnye tak pacak begawe berat, tulang lembut, nak jadi pagawai katek ijazah, nak jadi petani tak katek lahan, naseb-naseb, memang sare nian nak jadi urang gerot ni. Dem, tepakse narik selimut lagi, tidok, kalu nian nak dapat mimpi menang nomor," uji Wak Uban.
- Tag
- Share
-
-
